نفاق

النفاق اسوأ صفة ممكن انسان يلاقيها بالآخر، فما بالكون انو صارت طبيعة بالناس لدرجة صرت ما بقى قدرت تميز الحقيقي من المزيف .

مبارح شفت لقاء على قناة الميادين مع زاهي وهبة وبنتين طرشو الدنيا بالفيديو الي انتشر وهنن عم يغنو لـ  " بلادي" ما بعرف كلمات مؤثرة واغنية غاية بالروعة بس ما بتوصل لما تعرف انو عم يتاجرو بالقضية، مجرد انو شفتون على قناة الميادين فهمت كتير اشياء، متل متاجرة النظام اربعين سنة  بالقضية الفلسطينية انضافت للطبخة سوريا بعد لبنان والعراق، لهالدرجة البلد صار رخيص او لهالدرجة الاشيا صارت واضحة وفاقعة .

شيء مؤسف لما يكون الوطن سلعة !

شيء مؤسف لما الناس بحد ذاتها سلعة وما حدا حقيقي وكمية الزيف جواتو اكتر بكتير من الحقيقي ..

كل انسان فينا فيه كتير اشياء مزيفة، اذا مو شايفينها العالم فهو بحد ذاتو بيعرفها ، كيف منقدر نكون متصالحين مع حالنا ومنقدر نعيش حياتنا عادي ونحنا منعرف اديشنا فاضيين وفارغين، والاسوأ اننا مو بس وعاء فارغ، الوعاء بحد ذاتو مصدي وللكب .

فعلا في ناس دهب وفي ناس تنك والله يلهمنا نقدر نميز بيناتون